Qoida odamdan ustun
Tasdiqlash zanjiri har safar qo'lda yig'ilmaydi. Ariza turi, summasi va muhimligiga qarab tizim kerakli qoidani o'zi tanlaydi — kim kimni chaqirishi kerakligi haqida bahs qolmaydi.
Hujjat kimda turganini hamma ko'radigan tizim
BPM — arizadan omborgacha bo'lgan yo'lni bitta tizimga yig'adigan platforma. Uni O'zbekistonda ishlab chiqamiz va joriy etamiz.
Jarayon odamlarning yodida qoladi
Ko'p kompaniyada xarid shunday ketadi: xodim telefon qiladi, boshliq og'zaki rozilik beradi, hisobchi Excel'ga yozib qo'yadi, shartnoma esa kimningdir pochtasida qoladi. Natijada oddiy savolga javob yo'q: hujjat hozir kimda turibdi va nega to'xtab qolgan?
Nimaga tayanamiz
Har bir amal yoziladi
Kim tasdiqladi, qachon, qanday izoh bilan — hammasi jurnalda. Audit paytida hech narsani qayta tiklash kerak emas, tarix o'zi turibdi.
Tasdiqlashda tugamaydi
Ko'p tizim ariza tasdiqlangach to'xtaydi. BPM tijorat taklifi, buyurtma, shartnoma va yetkazib berishni ham olib boradi — zanjir uzilmaydi.
Ma'lumot sizniki
Tizimni bizning serverimizda ham, o'z infratuzilmangizda ham joylashtirish mumkin. Tashkilotlar ma'lumoti bir-biridan ajratilgan.
Nima tayyor, nima ustida ishlayapmiz
- Arizalar registri va tasdiqlash zanjirlari
- Workflow qoidalari: ketma-ket va parallel rejimlar
- Rollar va amal darajasidagi ruxsatlar
- Tijorat takliflari, xarid buyurtmalari, shartnomalar
- Ko'p tashkilot va ma'lumot izolyatsiyasi
- Ichki chat, bildirishnomalar, analitika
- Ombor va zaxira moduli — ishlab chiqilgan, yakuniy sinovdan o'tmoqda